Конденсациялық электр станциясы (КЭС) – электр энергиясын өндіретін станция.

Жылу электр орталығы (ЖЭО) – тұтынушыларға бір мезгілде электр энергия мен жылуды бірге өндіретін станция.

Булы газды электр станция - бу мен газ турбинасынан тұратын жылу электр станциясы.

Атом электр станциясы (АЭС)- атом (ядро) энергиясын - электр энергиясына айналдыратын станция.

Криоагент - криогенді қондырғыда қолданатын шикізат.

Хладагент - тоңазытқышта қолданатын жұмыс шикізаты.

Суық тасымалдағыш - салқындатылатын нысаннан қондырғының жұмыс нысандарына жылуды тасымалдайтын сұйық зат.

Көпсатылы турбина - бірнеше қозғалмалы және қозғалмайтын қалақшалары бар турбина.

Жылу техникалық жүйе – жылу техникалық үрдіс жүрісін қамтамасыз ететін, жылу техникалық қондырғы мен оның технологиялық, жылутехникалық, энергетикалық, көліктік, реттеуші және т.б. жұмыстарын атқаратын қосалқы бөлшектер жиынтығы.

Синхронды машина – айнымалы тоқты электр машинасы.

Бу генераторы – бу турбинасы арқылы қозғалысқа келетін генератор.

Гидрогенератор – гидравликалық турбина жұмысынан электр энергиясын өңдеуге арналған анық полюсті синхронды генератор.

Синхронды теңестіргіш– білікке ешқандай салмақ түсірмей жұмыс істейтін реактивті қуат өңдеу үшін арналған синхронды қозғалтқыш.

Қос қоректендіру машинасы – әр түрлі жиліктегі тоқ статорының және ротор орамасының қоректендіргіші бар синхронды машина.

Соққы генераторы – қысқа тұйықталу тәртібінде қысқа жұмыс үшін арналған синхронды генератор.

Генератордың номиналдық толық қуаты – осы генераторда өтетін кернеу мен номиналдық тоқтың шамасына сәйкес алынған қуат.

Генератордың номиналды активті қуаты - турбинамен қатар жұмыс істейтін генератордағы ең үлкен мөлшердегі активтік қуат.

Жылу алмасу аппараты - жылытатын және жылынатын орта арасында жылуды алмастыратын құрал.

Отын - белгілі бір түрлену үрдісінен өткенде, техникалық тұрғыдан қолдануға болатын энергия беретін зат.